湯圓

Posted in 帶狗散步

狗隻散步服務

湯圓 - 2017 年 1 月 開始

湯圓系超級活潑可愛既小男孩。佢最大既特徵就系大隻既身形同埋一身雪白而有光澤既毛。我成日都比佢可愛既樣吸引住, 之後就好想摟住佢。佢每次見到我就會好自然咁跳上來鍚我個嘴,對我好熱情。哈哈!

我主要負責帶湯圓行街街消耗佢既體力,但佢既體力好似無窮無盡一樣,湯圓行山可以行足兩個小時,全程唔需要休息之餘仲可以跑步。另外,佢一直堅持著一個習慣,就系佢只會系一個固定既地點呵便便。如果我唔帶佢去個個位, 湯圓系會忍足一日唔肯呵。當我知道左佢呢個習慣後, 就冇再錯過湯圓既便便啦。

不得不承認, 湯圓系有d 明星既味道同偶像既氣派。每次帶湯圓出街,都會有人讚佢型仔同可愛。好多人都會忍唔住走去摸下佢。好開心可以同湯圓行街街。

  

 耐心 ‧ 愛心 ‧ 細心 ‧ 誠信

細心、充滿耐性和愛的照料是獲得動物們信任的基石,我們任何時候都秉持著這個信念來提供服務。很多主人用過我們的寵物看護服務後,都表示十分滿意。如果您需要這個服務,請隨時與我們聯絡,我們是您和您的寵物值得信賴的拍檔。