Dora, Dorie & 6隻貓貓

Posted in 過夜寵物看護

過夜寵物看護服務

2隻狗狗和6隻貓貓 - 2017 年 2 月

兩隻狗狗的名字叫 Dora 和 Dorie,佢地系一對好姊妹。

Dora 同 Dorie 見到陌生人都比較緊張。當我一入到屋,佢兩個就吠唔停,想趕我走。Dorie 好饞嘴, 所以比較容易接觸,然後好快就停止左吠叫;Dora 就岩岩相反,完全唔會受食物引誘。為左等佢地覺得我既存在對佢地系冇威脅既,我就嘗試好溫柔咁同佢地講野,尤其是對住Dora。隨著時間過去,Dora 開始慢慢減少吠叫既頻率,最後,我地都可以系同一間房度訓覺。

系 Dora 同 Dorie 身上,我再一次見證到耐性同愛心系同動物打開溝通橋樑同建立信任最重要既第一步,見到佢地既轉變我感到好有滿足感,好開心可以認識到佢地,希望下次佢地再見到我既時候會冇咁緊張啦!

 

 

除左照顧狗狗外, 我仲要負責照顧 6 隻貓貓。佢地唔係好中意見到陌生人,所以一見到我行近,就會走佬。所以我無特登搵佢地出來,由得佢地自由咁哩埋,同時我準備左一啲食物比佢地,免得佢地餓親。隔日朝早我起身睇一睇,好開心見到佢地食左好多我準備比佢地既糧。如果下次再見到佢地,希望佢地會出來陪下我啦!

 

 耐心 ‧ 愛心 ‧ 細心 ‧ 誠信

細心、充滿耐性和愛的照料是獲得動物們信任的基石,我們任何時候都秉持著這個信念來提供服務。很多主人用過我們的寵物看護服務後,都表示十分滿意。如果您需要這個服務,請隨時與我們聯絡,我們是您和您的寵物值得信賴的拍檔。